Maca Banter

Maca yaiku kagiyatan sing ditindakake sawijining pawongan kanggo golek pesen kang diandharake dening pawongan kang nulis, kanthi sarana basa tulis. Jinis maca iku ana loro, yaiku maca ing batin lan maca nyuwara. Kang klebu peranganing maca nyuwara yaiku maca banter. Ing piwulang iki arep diandharake babagan maca banter. Maca banter iku sejatine kegiyatan nyuwarakake tulisan kanthi nggatekake swara, intonasi, tekanan kanthi bener. Kegiyatan maca banter iki perlu nggatekake perkara-perkara kaya ing ngisor iki:

1.   Nggatekake pangucapan

2.   Nggatekake intonasi lan nada

3.   Nggatekake tandha wacan, umpamane titik lan koma

4.   Nggatekake ekspresi

5.   Nggatekake alon lan cepete anggone maca

6.   Nggatekake isine wacan lan anggone maca kudu kendel.

Jinis-jinis Tembung

1.     Tembung Kriya

Sedaya tembung ingkang nerangaken tumindak padamelan, tuladhanipun mlampah, tilem, lan sapanunggalanipun.

2.     Tembung Aran

Sedaya tembung ingkang mastani namaning barang ingkang maujud utawi ingkang dipun anggep maujud, tuladhanipun ember, kasur, lan sapanunggalanipun.

3.     Tembung Kawontenan/Kahanan

Sedaya tembung ingkang nerangaken kawontenanipun barang, tuladhanipun ageng, alit, lan sapanunggalanipun.

4.     Tembung Katrangan

Sedaya tembung ingkang nerangaken kawontenan kriya, tuladhanipun esuk mau, saiki, lan sapanunggalanipun

5.     Tembung Sesulih

Sedaya tembung ingkang dados sesulihipun barang maujud utawi ingkang kaanggep maujud, tuladhanipun ku, mu, iku, lan sapanunggalanipun

6.     Tembung Wilangan

Tuladhanipun setunggal, kalih, tiga, lan sapanunggalanipun

7.     Tembung Panggandheng

Tuladhanipun lan, sarta, nanging, lan sapanunggalanipun

8.     Tembung Panggenah

Tuladhanipun Sang, ponang, Sang Hyang, Sri, lan sapanunggalanipun

9.     Tembung Dunung (prepotition)

Tembung ingkang nerangaken enggon utawi entering barang, tuladhanipun ing, dening, lan sapanunggalanipun

10.  Tembung Panguwuh (Interjection = Panyuru)

Tembung ingkang nerangaken panguwuh utawi sesambat, tuladhanipun lho, wah, o, lan sapanunggalanipun.